Awaz Apni

پاکستان نے سیاچن کے متنازعہ علاقے کو سیاحوں کے لئے کھولنے پربھارت سے سخت احتجاج کیا ہے۔ یہ ایشوپاکستان اور بھارت کے درمیان مذاکرات میں عرصہ دراز سے زیر بحث ہے۔ واضح رہے کہ بھارت کا سیاچن پر غیر قانونی قبضہ ہے اور اب بھارت اسے سیاحوں کے لئے کھولنے کی بات کر رہا ہے۔ اس کا براہ راست تعلق ہماری سرحدی سلامتی سے بھی ہے۔ اس حوالے سے دفتر خارجہ نے اپنا موقف بیان کرتے ہوئے بھارتی ہائی کمشنر کو واضح تنبیہ کردی ہے کیونکہ یہ ایک سیاسی سرحدی اور امن و امان کا مسئلہ پیدا کرنے والی بات ہے۔ خود پاکستانی قوم بھی ان نازک معاملات میں بھارت کا اس طرح ملوث ہونا پسند نہیں کرے گی۔ اس طرح کل وہ مزید تنازعات کھڑا کرسکتا ہے۔ آپ بھی ہماری اس بات سے اتفاق کرتے ہوئے اس مسئلہ پر اظہار خیال کرسکتے ہیں۔