Skip to main content

سراسیمگی نہ پھیلائیں: عدالت

سپریم کورٹ نے اسلام آباد اور راولپنڈی میں سڑکوں کی بندش اورگزشتہ چند دنوں میں کی جانے والی سیاسی گرفتاریوں کا ازخود نوٹس لیتے ہوئے دونوں شہروں کی انتظامیہ کی سرزنش کی ہے اور گرفتار افراد کو آج ہی رہا کرنے کا حکم دیا ہے۔
چیف جسٹس افتخار محمد چوہدری کی سربراہی میں سپریم کورٹ کے چار رکنی بینچ نےجمعرات کو دونوں شہروں کی انتظامیہ کو ہدایت کی کہ امن و امان برقرار رکھنے کے لیے ایسے اقدامات کیے جائیں جن سے عام لوگ متاثر نہ ہوں۔
اسلام آباد میں مختلف سڑکوں کی بندش اور سیاسی جماعتوں کے رہنماؤں اور کارکنوں کی گرفتاری کا ازخود نوٹس لیتے ہوئےجمعرات کو چیف جسٹس نے راولپنڈی کے ڈپٹی انسپکٹر جنرل سعود عزیز، اسلام آباد کے انسپکٹر جنرل مروت علی شاہ اور اسلام آباد کے ڈپٹی کمشنر چوہدری محمد علی کو عدالت کے سامنے آج ہی پیش ہوکر اس حوالے سے تفصیلات بیان کرنے کو کہا۔
اس یقین دہانی کے بعد کہ سڑکیں کھول دی جائیں گی اور اسلام آباد میں گرفتار سیاسی رہنماؤں کو رہا کر دیا جائے گا ، چیف جسٹس نے چاروں صوبوں کے چیف سیکرٹریوں کو ہدایت کی کہ وہ سپریم کورٹ کے رجسٹرار کے دفتر میں اپنے اپنے صوبوں میں گرفتار کیے گئے لوگوں کے بارے میں رپورٹ کل بھجوا ئیں ۔
اعلیٰ انتظامی اور پولیس افسران کے ساتھ عدالت میں پنجاب کے ایڈیشنل ایڈووکیٹ جنرل خادم حسین اور اسسٹنٹ ایڈووکیٹ جنرل افشاں غضنفر نے استدعا کی کہ ملک خصوصی حالات سے گزر رہا ہے اور اسلام آباد میں خود کُش بم دھماکوں کا بھی خدشہ ہے جس کے سبب انتظامیہ نے حفاظتی اقدامات کیے ہیں۔
چیف جسٹس نے اس جواز کو مسترد کرتے ہوئے کہا کہ ’پولیس نے آئین کی خلاف ورزی کی ہے ، پولیس کسی طور بھی کسی ایسے حکم پر عملدرآمد کرنے کی پابند نہیں جو آئین کے خلاف ہو۔‘
جسٹس راجہ فیاض نے کہا کہ تمام سڑکیں بند ہیں، ذرائع آمد ورفت معطل ہیں اور کوئی شخص اسلام آباد میں داخل نہیں ہو سکتا۔ انہوں نے کہا کہ ’ان اقدامات سے خود کش بم دھماکوں کو روکا نہیں جا سکتا بلکہ ان سے تو سڑکوں پر ہجوم اکٹھا ہوجاتا ہے جس سے بم دھماکے کی صورت میں زیادہ نقصان کا اندیشہ ہے۔‘
اس موقع پر چیف جسٹس نے حکومتی وکیل سے پوچھا کہ کیا انسپیکٹر جنرل کو اختیار ہے کہ وہ سڑکوں کو بند کر دے، جس کا جواب حکومتی وکیل نے نفی میں دیا۔
اس پر چیف جسٹس نے کہا کہ ’ تو پھر کرفیو لگا دیں، جب تک الیکشن ہیں کرفیو لگا رہے، اگر آپ لوگ امن و عامہ نہیں برقرار رکھ سکتے تو پھر آپ کے پاس ہنر کیا ہے، اگر حالات قابو نہیں کر سکتے تو گھر بیٹھیں۔‘

اسسٹنٹ ایڈوکیٹ جنرل افشاں غضنفر نے عدالت سے استدعا کی کہ ملک خصوصی حالات سے گزر رہا ہے جس پر چیف جسٹس نے کہا کہ ’ یہ خصوصی حالات تو ہمیشہ رہے ہیں ، وزیرستان میں جو کچھ ہو رہا ہے وہ آپ کا اپنا پیدا کیا ہوا ہے۔‘
جب حکومتی وکیلوں نے کہا کہ لوگوں کو اغوا کیا جا رہا ہے تو جسٹس راجہ فیاض نے کہا کہ ’ آپ کی ایجنسیاں بھی تو لوگوں کو اُٹھا کر لے جاتی ہیں یہی کام دوسرے بھی کر رہے ہیں۔‘
انہوں نے کہا کہ ’اگر ریاست کی سطح پر قانون کو پامال کیا جائے تو ملک میں حالات کیسے درست ہو سکتے ہیں؟‘ اس پر حکومتی وکیل نے عدالت سے معافی مانگی اور یقین دلایا کہ ذرائع آمدرفت کے حوالے سے لگائی گئی پابندیوں کو نرم کر دیا جائے گا اور عوام کے لیے آسانیاں پیدا کر دی جائیں گی۔
اس کے بعد انسپیکٹر جنرل اسلام آباد مروت علی شاہ نے عدالت سے غیر مشروط معافی مانگی اور کہا کہ وہ خود کو عدالت کے رحم پر چھوڑتے ہیں۔
سیاسی اسیروں کے حوالے سے ڈپٹی کمشنر اسلام آباد نے کہا کہ صدارتی انتخابات کے لیے امن و امان کو برقرار رکھنے کے لیے اقدامات کیے گئے ہیں۔ اس پر چیف جسٹس نے کہا کہ ’یہ تو صحتمند سرگرمیاں ہیں تو پھر کیوں لوگوں کو گرفتار کیا گیا ہے، کیا آپ کو معلوم ہے کہ کسی کو بھی تین ایم پی او کے قانون کے تحت ایک سیکنڈ کے لئے بھی گرفتار نہیں کیا جا سکتا، یہ قابلِ ضمانت ہے، سراسیمگی نہ پھیلاؤ ، ہر چیز اپنے وقت پر ہونے دو۔‘

چیف جسٹس نے کہا کہ انتظامیہ نے تماشہ بنایا ہوا ہے۔ ’سب ٹھیک ٹھاک ہے، ملک میں الیکشن ہو رہا ہے، اچھی بات ہے، حکومت کو معمول کے مطابق چلنے دو، سراسیمگی نہ پھیلاؤ۔‘
اس پر جسٹس فیاض نے کہا کہ لوگوں کو غلط گرفتار کرنے کی پاداش میں اگر حکومت کو متاثرین کو کمپنسیشن (ہرجانہ) دینا پڑ گئی تو حکومت کو پتہ چل جائےگا۔
چیف جسٹس نے کہا کہ سکول بند ہیں، ایمبولینسیں سڑکوں پر رکی ہوئی ہیں اور جگہ جگہ سڑکیں بند ہیں۔’مجھے سمجھ نہیں آتا کے ایسے حکم کون جاری کرتا ہے کہ جن سے حالات مزید خراب ہوتے ہیں۔‘
’ اُن کو پکڑ لیتے ہو (امن برقرار رکھنے کے لیے ) جو حکومت کے مخالف ہیں، اُن کو بھی تو پکڑو جو حکومت کے ساتھ ہیں۔‘
عدالت کے پوچھنے پر انتظامی افسروں نے بتایا کہ پاکستان مسلم لیگ (ن) کے مخدوم جاوید ہاشمی اور اسلام آباد سے رکنِ قومی اسمبلی میاں محمد اسلم گرفتار ہیں تو جسٹس جمشید علی نے کہا کہ ’ کیا انہوں نے خود کش بم دھماکے کرنے تھے۔‘
عدالت کو بتایا گیا کہ کچھ لوگوں کو نواز شریف کی دس ستمبر کو ملک واپسی کے موقع پر درج کیے گئے پرچے پر گرفتار کیا گیا ہے۔
چیف جسٹس نے کہا کہ لوگوں کو اتنی مشکلات ہیں اور اس پر سڑکیں بھی بند کر دی گئی ہیں۔ انہوں نے ڈی آئی جی راولپنڈی سعود عزیز کو ہدایت کی کہ وہ مستقبل میں محتاط رہیں اور سڑکیں بند نہ کریں جس پر سعود عزیز نے یقین دہانی کرائی کہ آئندہ ایسا نہیں ہوگا۔
اس کے بعد ڈپٹی کمشنر اسلام آباد نے بھی یقین دہانی کرائی کہ وہ مخدوم جاوید ہاشمی اور میاں اسلم کے خلاف جاری حکم نامے

واپس لے لیں گے اور انہیں آج (جمعرات ) رہا کر دیا جائےگا۔

آپ کی آواز

Facebook

Facebook Recommendations

Followers


Web Designing In Karachi



Haroof.com


Politics blogs

My Zimbio

Email Subscribe

Enter your email address:

Watch online Live TV

Popular posts from this blog

Awaz Public Ki {Elections in Pakistan}

Q: As all the major parties are taking part in the elections, what future scenario do you foresee? Explain: The general elections are going to be held on January 8, 2008. All major political parties except two or three are participating in the elections. Among the major parties, contesting the elections, are Pakistan Muslim League (Q), Pakistan Muslim League (N), Pakistan People’s Party, Jamiat Ulma-e-Islam (F), Muttehadda Qaumi Movement, Pakistan Muslim League (Functional). As all the major parties are taking part in the elections, what future scenario do you foresee? Awaz Public Ki the elections will lead to a confused scenario if the establishment tried to manipulate the polls as it did in the past elections.they must avoid to engineer the elections, which will prove disasterous for the country. tanveer hussaini [Karachi]Posted on 26, Dec 2007 --> As far as future of polls.. the political system has been set on flames unfortunately.. I would like to say that for any successful n...

Microsoft SQL Server is the best among Microsoft’s Products

Microsoft has come up with Microsoft SQL server to cater to the needs of the computer operators, who want to provide advanced facilities on the other computers among networking process. The Microsoft SQL Server 2005 Express Edition is a newly developed product that is easy-to-use, lightweight, and enables the person to work more efficiently than before. The new SQL Server Express Edition with advanced facilities is perfect for use as a backend to a small, multi-user application that requires more superior features like Web reporting or full-text search. This Microsoft sql server standard express edition includes influential features as in SQL Server Management Studio Express that is capable of managing a database very easily. Along with this, it also creates and deploys database code such as stored procedures, user-defined types, functions, and user-defined aggregates from directly within the Visual Studio development environment. All these features tend to help you in enjoying your ...

Matric General Group Result SECONDARY SCHOOL CERTIFICATE (S. S. C.) PART - II CLASS - X - 2010 (www.apnieyesp.com )

PASSED THE SECONDARY SCHOOL CERTIFICATE (S. S. C.) PART - II CLASS - X) ANNUAL EXAMINATION, 2010. ERRORS AND OMISSIONS EXCEPTED, CANDIDATES BEARING THE FOLLOWING ROLL NUMBERS ARE DECLARED TO HAVE PASSED THE SECONDARY SCHOOL CERTIFICATE (S. S. C.) PART - II CLASS - X) ANNUAL EXAMINATION, 2010. ------------------------------------------------- GENERAL GROUP (REG&PVT) --- GRADE..'A-ONE' ---- ----------------------- ( CANDIDATES SECURING TOTAL MARKS 680 AND ABOVE) MARKS SECURED BY THE CANDIDATES OUT OF TOTAL MARKS OF 850 ARE MENTIONED AGAINST EACH ROLL NUMBER IN BRACKET --------------------------------------------------- 601086 (689) XXX (XXX) XXX (XXX) XXX (XXX) XXX (XXX) XXX (XXX) 601327 (681) 363 (684) 364 (719) 407 (685) 664 (682) 788 (687) 601836 (692) 882 (683) XXX (XXX) XXX (XXX) XXX (XXX) XXX (XXX) 602315 (723) 316 (715) 320 (712) 321 (739) 325 (686) 326 (702) 602327 (683) 329 (70...

Labels

Show more