صدارتی انتخاب کے شیڈول کا اعلان

الیکشن کمیشن نے صدارتی انتخابات کے شیڈول کا اعلان کردیا ہے جس کے مطابق صدارتی انتخابات کے لئے کاغذات نامزدگی 27 ستمبر کو وصول کئے جائیں گے اور 29 ستمبر کو کاغذات نامزدگی کی جانچ پڑتال کی جائے گی اور صدارتی انتخاب 6۔اکتوبر کو ہوگا۔اس کا ایک مطلب یہ بھی ہے کہ صدر انہی اسمبلیوں سے ووٹ لیں گے۔ اس پر اپوزیشن جماعتوں نے تحفظات کا اظہار کیا ہے ۔دوسرا اہم پہلو یہ ہے کہ اس وقت سپریم کورٹ میں صدر کے دو عہدے رکھنے کے خلاف مقدمہ زیر سماعت ہے۔اسی مقدمے کی سماعت کے دوران گزشتہ روز سرکاری وکیل نے ایک بیان عدالت میں جمع کرایا تھا جس میں کہا گیا تھا کہ صدر الیکشن کے بعد فوجی عہدہ چھوڑ دیں گے۔ اس بیان پر بھی اپوزیشن رہنما خاصے سیخ پا ہوئے تھے ۔ صدارتی الیکشن کا شیڈول کیا جلی پر تیل کا کام کرے گا؟ صدر کے انتخاب کے حوالے سے آپ کے تبصروں ، تجزئیوں اور خیالات کا انتظار ہے۔