Skip to main content

فیصلہ صدر جنرل مشرف کے حق میں


پاکستان کے صدر جنرل پرویز مشرف کے دو عہدوں کے خلاف آئینی درخواستوں کو پاکستان کی سپریم کورٹ کے نو رکنی بینچ نے اپنے اکثریتی فیصلے میں خارج کردیا ہے۔
نو رکنی بینچ کے چھ ججز نے آئینی درخواستیں خارج کرنے کے حق میں فیصلہ دیا جبکہ تین ججوں رانا بھگوان داس، سردار رضا خان اور شاکراللہ جان نے اختلافی رائے دی۔

نو رکنی بینچ میں شامل چھ ججوں جسٹس جاوید اقبال، جسٹس عبدالحمید ڈوگر، جسٹس فلک شیر، جسٹس نواز عباسی، جسٹس فقیر محمد کھوکھر اور جسٹس ایم جاوید بٹر نے آئینی درخواستیں خارج کرنے کے حق میں فیصلہ دیا۔

سپریم کورٹ کے لارجر بینچ کے فیصلے کے بعد اخبار نویسوں سے بات کرتے ہوئے جماعت اسلامی کے مرکزی رہنما سینیٹر پروفیسر خورشید احمد نے کہا کہ ان کی جماعت اس فیصلہ کے خلاف نظر ثانی کی اپیل دائر کرے گی۔

انسانی حقوق کی تنظیم ہیومن رائٹس واچ نے اپنے بیان میں سپریم کورٹ کے لارجر بنچ کے فیصلے کو مایوس کن قرار دیتے ہوئے کہا ہے کہ اس فیصلے سے پاکستان کے حالیہ سیاسی بحران میں مزید اضافہ ہوگا۔
اس سے پہلے بینچ نے صدر کے دو عہدے رکھنے، سترہویں آئینی ترمیم اور جنرل مشرف کے وردی میں صدارتی انتخاب لڑنے کے خلاف آئینی درخواستوں پر سماعت جمعہ کے روز مکمل کرلی اور اعلان کیا فیصلہ مقامی وقت کے مطابق دو پہر دو بجکر پندرہ منٹ پر سنایا جائے گا۔ تاہم فیصلے کے اعلان میں تاخیر ہوئی اور تقریباً ساڑھے تین بجے فیصلے کا اعلان کیا گیا۔

جمعہ کے روز ممتاز قانون دان عبدالحفیظ پیرزادہ نے عدالت کے معاون کی حیثیت سے اپنے دلائل جاری رکھتے ہوئے کہا کہ نااہلیت کی شق صدر مشرف پر لاگو نہیں ہوتی۔

سماعت کے دوران ایک موقع پر نو رکنی بینچ میں شامل جسٹس جاوید اقبال نے ان سے استفسار کیا کہ اگر آئین میں کی جانے والی سترہویں ترمیم کو ختم کر دیا جائے تو اس کے کیا نتائج ہوں گے تو انہوں نے جواب میں کہا کہ اس سے افراتفری پھیلے گی۔

بعد میں جواب الجواب کے طور پر دلائل دیتے ہوئے جماعت اسلامی کے وکیل اکرم شیخ نے عدالت سے کہا کہ سب نظریں سپریم کورٹ پر لگی ہوئی ہیں اور اس کا فیصلہ دور رس نتائج کا حامل ہوگا۔
اس موقع پر جسٹس جاوید اقبال نے کہا کہ عدلیہ کی آزادی کی جد و جہد میں بار اور میڈیا کا کردار ناقابلِ فراموش ہے لیکن عدالت کو تو وہی فیصلہ دینا ہے جو قانون کے مطابق ہو۔
اکرم شیخ نے بینچ میں شامل جج صاحبان کو متوجہ کرتے ہوئے کہا کہ آپ نے صدر مشرف کی وردی کو جائز قرار دیا تھا، اب آپ ہی ان کی وردی اتاریں۔ اس کے جواب میں جسٹس جاوید اقبال نے کہا کہ اس میں کوئی شک نہیں کہ عدالت نے جنرل مشرف کو ایک خاص مدت تک وردی کے ساتھ صدارتی عہدہ رکھنے کی اجازت دی تھی لیکن اس کو قانونی حیثیت قومی اسمبلی نے آئین میں سترہویں ترمیم کے ذریعے دی ہے۔
بعد میں تحریک انصاف کے وکیل حامد خان اور پاکستان لائرز فورم کے سربراہ اے کے ڈوگر نے بھی جواب الجواب کے طور پر دلائل دیے۔
حامد خان نے کہا کہ پرویز مشرف کو کہ آرمی چیف بھی ہیں سیاست میں حصہ لے سکتے جبکہ عام سرکاری افسر ایسا نہیں کرسکتا جوکہ ایک واضح تضاد ہے۔ انہوں نے اٹارنی جنرل کے بیان کا حوالہ دیا جس میں انہوں نے کہا تھا کہ آرمی جنرل کی ریٹائرمنٹ کی کوئی عمر نہیں ہے جس پر انہوں نے کہا کہ ایک فوج کا جنرل باسٹھ سال کی عمر میں ریٹائر ہوجاتا ہے۔
پاکستان لائرز فورم کے وکیل اے کے ڈوگر نے سیاسی انصاب بھی بنیادی انسانی حقوق میں آتا ہے۔ جس طرح عدالت سنہ انیس سو اٹھاسی میں نے بنظیر بھٹو کے کیس میں دیا تھا۔
انہوں نے کہا کہ جنرل پرویز الیکشن سے پہلے نااہلی کے زمرے میں آتے ہیں کیونکہ انہوں نے آئین کی خلاف ورزی کی ہے ۔
سپریم کورٹ کے زیر سماعت ان آئینی درخواستوں میں جماعت اسلامی کے امیر قاضی حسین احمد، تحریک انصاف کے چیئرمین عمران خان، کمیونسٹ پارٹی کے انجینئر جمیل ملک اور پمز ہسپتال کے ایک سابق ڈاکٹر انوار الحق کی درخواستیں شامل ہیں۔
بینچ کے دیگر ارکان میں جسٹس جاوید اقبال، جسٹس عبدالحمید ڈوگر، جسٹس سردار محمد رضا خان، جسٹس فلک شیر، جسٹس محمد نواز عباسی، جسٹس فقیر محمد کھوکھر، جسٹس ایم جاوید بٹر اور جسٹس شاکراللہ جان شامل ہیں۔
پاکستان کے اٹارنی جنرل ملک محمد قیوم کمرہ عدالت کے باہر صحافیوں سے گفتگو کرتے ہوئے کہا کہ یہ فیصلہ قومی اہمیت کا حامل ہے ۔ انہوں نے کہا کہ اگر فیصلہ درخواست گزاروں کے حق میں آتا تو پھر ٹھیک تھا اور اب یہ فیصلہ ان کے خلاۓ آیا ہے اس لیے یے انہیں پسند نہیں ہے۔
عمران خان کے وکیل حامد خان نے کمرہ عدالت کے باہر اخباری نمائندوں سے گفتگو کرتے ہوئے کہا کہ عدالت کو اس کا فیصلہ میرٹ پرہوناچاہیے تھا اور اس کی ٹیکنیکیلٹی میں نہیں پڑنا چاہیے۔ انہوں نے اس فیصلے کو مولوی تمیزالدین ، نصرت بھٹو اور ظفر علی شاہ کیسز کا تسلسل قرار دیا۔
انہوں نے کہا کہ وکلاء کی تحریک جاری رہے گی۔ حامد خان نے کہا کہ ہم سمجھتے تھے کہ عدلیہ آزاد ہوگئی ہے لیکن ابھی بہت سے معاحل طے کرنا ابھی باقی ہیں۔
اس مقدمے میں سماعت کا آغاز سترہ ستمبر سے ہوا تھا ۔ عدالت کی معاونت کے لیے تین وکلاء عدالت میں پیش ہوئے ان میں ایس ایم ظفر، عبدالحفیظ پیرزادہ اور اعتزاز احسن شامل ہیں۔


Facebook

Facebook Recommendations

Followers


Web Designing In Karachi



Haroof.com


Politics blogs

My Zimbio

Email Subscribe

Enter your email address:

Watch online Live TV

Popular posts from this blog

Awaz Public Ki {Elections in Pakistan}

Q: As all the major parties are taking part in the elections, what future scenario do you foresee? Explain: The general elections are going to be held on January 8, 2008. All major political parties except two or three are participating in the elections. Among the major parties, contesting the elections, are Pakistan Muslim League (Q), Pakistan Muslim League (N), Pakistan People’s Party, Jamiat Ulma-e-Islam (F), Muttehadda Qaumi Movement, Pakistan Muslim League (Functional). As all the major parties are taking part in the elections, what future scenario do you foresee? Awaz Public Ki the elections will lead to a confused scenario if the establishment tried to manipulate the polls as it did in the past elections.they must avoid to engineer the elections, which will prove disasterous for the country. tanveer hussaini [Karachi]Posted on 26, Dec 2007 --> As far as future of polls.. the political system has been set on flames unfortunately.. I would like to say that for any successful n...

Microsoft SQL Server is the best among Microsoft’s Products

Microsoft has come up with Microsoft SQL server to cater to the needs of the computer operators, who want to provide advanced facilities on the other computers among networking process. The Microsoft SQL Server 2005 Express Edition is a newly developed product that is easy-to-use, lightweight, and enables the person to work more efficiently than before. The new SQL Server Express Edition with advanced facilities is perfect for use as a backend to a small, multi-user application that requires more superior features like Web reporting or full-text search. This Microsoft sql server standard express edition includes influential features as in SQL Server Management Studio Express that is capable of managing a database very easily. Along with this, it also creates and deploys database code such as stored procedures, user-defined types, functions, and user-defined aggregates from directly within the Visual Studio development environment. All these features tend to help you in enjoying your ...

Matric General Group Result SECONDARY SCHOOL CERTIFICATE (S. S. C.) PART - II CLASS - X - 2010 (www.apnieyesp.com )

PASSED THE SECONDARY SCHOOL CERTIFICATE (S. S. C.) PART - II CLASS - X) ANNUAL EXAMINATION, 2010. ERRORS AND OMISSIONS EXCEPTED, CANDIDATES BEARING THE FOLLOWING ROLL NUMBERS ARE DECLARED TO HAVE PASSED THE SECONDARY SCHOOL CERTIFICATE (S. S. C.) PART - II CLASS - X) ANNUAL EXAMINATION, 2010. ------------------------------------------------- GENERAL GROUP (REG&PVT) --- GRADE..'A-ONE' ---- ----------------------- ( CANDIDATES SECURING TOTAL MARKS 680 AND ABOVE) MARKS SECURED BY THE CANDIDATES OUT OF TOTAL MARKS OF 850 ARE MENTIONED AGAINST EACH ROLL NUMBER IN BRACKET --------------------------------------------------- 601086 (689) XXX (XXX) XXX (XXX) XXX (XXX) XXX (XXX) XXX (XXX) 601327 (681) 363 (684) 364 (719) 407 (685) 664 (682) 788 (687) 601836 (692) 882 (683) XXX (XXX) XXX (XXX) XXX (XXX) XXX (XXX) 602315 (723) 316 (715) 320 (712) 321 (739) 325 (686) 326 (702) 602327 (683) 329 (70...

Labels

Show more