Awaz Apni

پاکستان کے صدر جنرل پرویز مشرف کے دو عہدوں کے خلاف آئینی درخواستوں کو پاکستان کی سپریم کورٹ کے نو رکنی بینچ نے اپنے اکثریتی فیصلے میں خارج کردیا ہے۔ نو رکنی بینچ کے چھ ججز نے آئینی درخواستیں خارج کرنے کے حق میں فیصلہ دیا جبکہ تین ججوں رانا بھگوان داس، سردار رضا خان اور شاکراللہ جان نے اختلافی رائے دی۔ نو رکنی بینچ میں شامل چھ ججوں جسٹس جاوید اقبال، جسٹس عبدالحمید ڈوگر، جسٹس فلک شیر، جسٹس نواز عباسی، جسٹس فقیر محمد کھوکھر اور جسٹس ایم جاوید بٹر نے آئینی درخواستیں خارج کرنے کے حق میں فیصلہ دیا۔ سپریم کورٹ کے لارجر بینچ کے فیصلے کے بعد اخبار نویسوں سے بات کرتے ہوئے جماعت اسلامی کے مرکزی رہنما سینیٹر پروفیسر خورشید احمد نے کہا کہ ان کی جماعت اس فیصلہ کے خلاف نظر ثانی کی اپیل دائر کرے گی۔ انسانی حقوق کی تنظیم ہیومن رائٹس واچ نے اپنے بیان میں سپریم کورٹ کے لارجر بنچ کے فیصلے کو مایوس کن قرار دیتے ہوئے کہا ہے کہ اس فیصلے سے پاکستان کے حالیہ سیاسی بحران میں مزید اضافہ ہوگا۔ اس سے پہلے بینچ نے صدر کے دو عہدے رکھنے، سترہویں آئینی ترمیم اور جنرل مشرف کے وردی میں صدارتی انتخاب لڑنے کے خلاف آئینی د...

اسلام آباد…سپریم کورٹ میں صدر کے دوعہدوں سے متعلق درخواستوں کی سماعت سے پہلے پیرکوپشاور سے آئے ایک وکیل نے وفاق کے سینئر وکیل احمد رضا قصوری کے چہرے پر سیاہ رنگ کا اسپرے کردیا۔واقعہ اس وقت پیش آیا جب احمد رضا قصوری سپریم کورٹ پہنچے تو وہاں پشاور سے آئے وکیل محمد خورشید نے اچانک ان کے چہرے پر سیاہ رنگ کا اسپرے کردیا۔ واقعے کے بعد احمد رضا قصوری مقدمے کی سماعت کرنے والے نو رکنی لارجر بینچ کے روبرو پیش ہوئے اور اپنے ساتھ پیش آنے والے واقعے پر غم و غصہ کا اظہار کیا۔بینچ کے سربراہ جسٹس رانا بھگوان داس نے انہیں ہدایت کی کہ وہ تحریری شکایت پیش کریں۔بتایا گیا ہے کہ وکیل محمد خورشید ایک سیاسی پارٹی کے دیرینہ رکن رہے ہیں۔ انہوں نے 2002ء میں پارٹی کے ایک فیصلے کے خلاف احتجاج کرتے ہوئے خود کو گولی مار کر زخمی کرلیا تھا۔ادھر احمد رضا قصوری نے کہاہے کہ میرے ساتھ ایساکر نے والے کالے کوٹ میں دہشت گرد ہیں ، یہ لوگ ہمارے پیشے پر بد نما دھبہ ہیں۔ تبصرہ کریں